நான் மு நவீனா, இன்றளவும் அரசு மகளிர் கல்லூரியில் பயின்று வருகிறேன் என்று கூறுவதற்கு நான் பெருமிதம் அடைகிறேன்.

   “உலகம் அழகாக மாறுவது அழகிய குணமுடைய மனிதர்களால்தான்”

   என்னும் பொன்மொழிக்கேற்ப திகழும் எமது முதல்வர் ஐயா அவர்கள், ஒவ்வோர் ஆண்டும் உயர்கல்வி முடித்து வரும் மாணவிகளுக்கு அனைத்து வகையான கல்வி உதவித் தொகையைப் பெற்று தருகிறார்.
   "நோக்கம் எது என்பதை முதலில் தீர்மானி! அதுவே இலக்கு என்பதை உறுதி செய்து கொள்!"

      "நோக்கம் எது என்பதை முதலில் தீர்மானி! அதுவே இலக்கு என்பதை உறுதி செய்து கொள்!"

      விவேகானந்தரின் கூற்றுப்படி மாணவிகளின் அவரவர் எதிர்கால இலக்கை அடைய நமது கல்லூரியிலேயே TNPSC வகுப்பு, Banking வகுப்பு, Placement வகுப்புகளை எமது கல்லூரி நடத்தி வருகிறது.
     "அறிவியல் தேர்ச்சி கொள்"

      என்று நெல்லை சு. முத்து கூறுவதைப் போல என் கல்லூரி மாணவிகள் எண்ணற்ற அறிவியல் ரீதியான கண்டுபிடிப்புகளை கண்டுபிடித்துள்ளனர்.

     எதிர்காலத்தில் அரசு வேலைக்கு தட்டச்சு பயிற்சி சான்றிதழ் போன்றவை தேவைப்படுகிறது என்பதை அறிந்து கல்லூரியிலேயே தட்டச்சு வகுப்பு நடைபெற்று வருகிறது.

     "ஆயக்கலைகள் 64"என்பர். அரசு கல்லூரி வருடந்தோறும் புதுப்புது நிகழ்ச்சிகளை அறிமுகப்படுத்தி மாணவிகளை எப்பொழுதும் மகிழ்வுடன் வைத்திருக்கிறது.

     மாணவிகளுக்கு மன அழுத்தம் ஏற்படக் கூடாது என்பதை எண்ணி வருடந்தோறும் சுற்றுலா அழைத்து செல்கிறார்கள்.

     மாணவிகள் எளிதில் புரிந்து கொண்டு படிப்பதற்கு ஒவ்வொரு துறைக்கும் முதல்வர் ஐயா அவர்கள் Smart Class வசதி செய்து தந்துள்ளார்.

     "ஆசிரியர் பணியே அறப்பணி அதற்கே உன்னை அர்ப்பணி" என்பதைப் போல அரசு மகளிர் கல்லூரியின் ஆசிரியர்கள் ஒவ்வொரு மாணவியும் தங்களது இலக்கை அடைய வேண்டும் என்பதற்காக பெரிதும் உதவி புரிகின்றனர்.

     NSS, Womens Club போன்றவைகளை அமைத்து எமது கல்லூரி சுற்றுப்புறச் சூழலைப் பேணி வருகிறது.

     இவ்வாறு பல்வேறு வசதிகளை மாணவிகளின் நலன் கருதி செய்து கொடுத்த முதல்வர் ஐயா அவர்களுக்கும் கண்ணன் ஐயா அவர்களுக்கும் எங்கள் நன்றி.

     மாணவிகளின் நலன் கருதி எந்த நேரமும் உழைத்துக் கொண்டு இருக்கும் ஆசிரியர்களுக்கும் நன்றி